Ce livre est parfaitement mis en page pour une lecture kindl. Nous Antoine Godeau par la grace de Dieu et du Sainct Siege appostolique evesque et seigneur temporel de Vence, conseiller du Roy en ses conseils d’estat et privé scavoir faisons que ce jourd’huy vingt deuxiesme du mois d’avril annee presante mil six cens soixante trois jour du sainct dimanche sommes partis de nostre palais episcopal dud. Vence en compagnie de messire Jean Thorenc nostre aumosnier greffier et autres de nostre suite pour aller au lieu de Villeneufve y faire nostre visite, donner le sacrement de confirmation et prouvoir[1] aux autres besoins et necessités de lad. paroisse et estants arrivés au devant de la porte du chasteau seigneurial dud. lieu sur l’heure de sept de matin aurions eu en rencontre messire Arnoux Sauvan viquere les Srs baile consuls et quelques apparens dud. lieu, lesquels appres nous avoir salué nous auroient[2] accompagn[é] jusques à la maison claustralle que nous avons prins pour nostre logis. Et appres nous estre reposés un petit espace de temps, nous serions revesteu de nostre rochet et caimailh et acheminés vers lad. paroisse. Et estans arrivés à la porte de l’eglise y aurions teuvé[3] lesd. bailé et consuls avec le dais et led. sieur viquere revesteu de l’haube, estole et pluvial, qu’ils nous y attendoint. Et nous estant mis au dessoubs le dais, led. viquere nous auroit donné de l’heau beniste, de l’ensans et presanté la croix à baiser. Et ayant enthoné l’entiene[4] Sacerdox et pontifex, serions acheminés vers le maistre authel processionnellement, où arrivés appres y avoir faict nostre oraison et prieres accoustumées avons donné la benediction au peuple et faict l’absolution generalle pour les morts tant dans lad. eglise que cimetiere. joignant icelle, et en suite nous estant revesteu de nos habits sacerdotaux par l’ayde de nostredict aumosnier aurions celebré la saincte messe appres laquelle aurions preché au peuple luy faisant scavoir le subjet de nostre visite et ce faict, nous serions retirés dans lad. maison dudict sieur viquere accompagné desd. baile consuls et particuliers plus apparens dud. lieu auxquels aurions dict que s’ils avoint quelque plainte à nous faire touchant les ecclesiastiques ou le service divin de nous le faire scavoir affin d’y prouvoir et appres nous avoir tous humblement remercié, se seroint retirés.
Populaire auteurs
Cram101 Textbook Reviews (948) J.S. Bach (447) Wolfgang Amadeus Mozart (306) Collectif (268) Schrijf als eerste een recensie over dit item (265) Doug Gelbert (238) Charles Dickens (222) Princess of Patterns (211) Jules Verne (199) R.B. Grimm (197) William Shakespeare (190) Anonymous (188) Carolyn Keene (187) Gilad Soffer (187) Mark Twain (187) Philipp Winterberg (181) Edgar Allan Poe (173) Youscribe (172) Lucas Nicolato (170) Herman Melville (169)Populaire gewichtsboeken
418 KB 425 KB 435 KB 459 KB 474 KB 386 KB 445 KB 439 KB 455 KB 413 KB 432 KB 421 KB 471 KB 493 KB 472 KB 485 KB 416 KB 451 KB 369 KB 427 KB